ՕԳՏԱԳՈՐԾՄԱՆ ՊԱՅՄԱՆՆԵՐ

Օգտվելով BCride.am-ի ծառայություններից` Դուք տալիս եք Ձեր համաձայնությունը ստորև շարադրված պայմաններին, ինչպես նաև գաղտնիության քաղաքականությանը: Խնդրում ենք ուշադիր կարդալ դրանք՝ հետագա հնարավոր թյուրըմբռնումներից խուսափելու համար:

«Bcride.am» և «Մենք» տերմինները վերաբերում են սույն կայքի (այսուհետ` Կայք) սեփականատեր «Բի-Սի-Րայդ» սահմանափակ պատասխանատվությամբ ընկերությանը (այսուհետ՝ Ընկերություն): «Դուք» տերմինը վերաբերում է Կայքը օգտագործողներին կամ դիտողներին:

Օգտագործողի վարքագիծ

Սույն Կայքը նախատեսված չէ 18 տարին չլրացած անձանց համար. նրանք չպետք է տրամադրեն կամ հրապարակեն անձնական տեղեկատվություն: Օգտագործելով Կայքը` Դուք համաձայնում եք`

• Չխախտել կիրառելի օրենսդրությունը, անվերապահորեն պահպանել Մեր կամ որևէ երրորդ կողմի հեղինակային, ապրանքանիշերի և այլ գույքային իրավունքները,
• Չանհանգստացնել, չսպառնալ, չզրպարտել, չվիրավորել,
• Չփորձել ձեռք բերել ցանկացած տեսակի անձնական տեղեկատվություն,
• Չկատարել գործողություններ, որոնց պատճառով հնարավոր է խախտվի կամ կասեցվի Կայքի բնականոն գործունեությունը կամ այլ անձանց մուտքը Կայք և դրա օգտագործումը,
• Չհետաքննել, չհետազոտել կամ չփորձարկել համակարգի կամ ցանցի խոցելիությունը, չխախտել անվտանգության համակարգերը, Կայքին չպատճառել անհիմն և արգելված բեռնում կամ ծանրաբեռնվածություն,
• Ընկերությունն իր հերթին երաշխավորում է պատվիրատուի՝ ծառայություն տրամադրելու նպատակով ստացված անձնական տվյալների գաղտնիությունը և դրանց բացառապես ըստ նպատակի օգտագործումը:

Կայքում տրված պատվերն Ընկերությանը՝ Ձեր կողմից արված առաջարկ է՝ գնելու և ստանալու որևէ ծառայություն: Պատվերը հաստատված է համարվում հեռախոսազանգի կամ էլեկտրոնային նամակի միջոցով պատվիրատուի հետ կապ հաստատելու, պատվերի մանրամասները ճշտելու, ծառայության մատուցման հասցեն և պատվիրատուի կոնտակտային տվյալները ճշտելու պահից:

ԸՆԴՀԱՆՈՒՐ ՊԱՅՄԱՆՆԵՐ

Սույն բաժնում ներկայացված են Կայքի միջոցով գործարքների՝ Ծառայությունների գնման, մատուցման, վճարման և այլ գործարքների իրականացման հիմնական պայմանները։

Պայմանները սահմանված են և մեկնաբանվում են՝ համաձայն ՀՀ օրենսդրության: Կայքում տեղեկատվությունը հրապարակվում է՝ համաձայն հրապարակման պահին գործող ՀՀ Սպառողների իրավունքների պաշտպանության մասին օրենքի, ինչպես նաև ընկերության ներքին իրավական ակտերի: Դրանց մշակումը, պարբերական թարմացումն ըստ անհրաժեշտության և գործնականում դրանց կիրառումը միտված է հաճախորդների հետ հարաբերությունները պատշաճ կարգավորելուն:

Պայմանները կարող են ժամանակ առ ժամանակ թարմացվել՝ ըստ առաջացած օբյեկտիվ անհրաժեշտության:

Ընդհանուր դրույթներ

1. 1.1. Սույն պայմանագիրը (Օֆերտան) կնքելու լրիվ և անվերապահ համաձայնություն (Ակցեպտ) է համարվում հաճախորդի կողմից Կայքում պատվեր կատարելը: Կայքի միջոցով իրականացվող ծառայություների վաճառքը կարգավորվում է Առևտրի և Ծառայությունների մասին ՀՀ օրենքի 15.1 հոդվածով:
2. 1.2. Ծառայությունները կարելի է ձեռք բերել առցանց պատվերի միջոցով՝ նախօրոք նշելով ծառայության մատուցման հասցեն և պատվիրատուի կամ ստացողի անձնական տվյալները։

Ձեռք բերման և վճարման պայմաններ

1. 2.1. Վճարման պարտականությունն առաջանում է Կայքի միջոցով ծառայության պատվերի դեպքում։
2. 2.2. Պատվերը համարվում է կատարված, եթե սպառողն ընտրում է նշված ծառայությունը, այնուհետև լրացնելով համապատասխան դաշտերը՝ հաստատում, որ ցանկանում է ձեռք բերել այն Կայքի կողմից ներկայացված պայմաններով:
3. 2.3. Կանխիկ վճարումն իրականացվում է պատվերը ստանալու պահին կամ դրանից հետո:

Ծառայության մատուցման պայմաններ

1. 3.1. Պատվեր կարելի է ձևակերպել նախօրոք ցանկացած ժամանակահատվածի համար։
2. 3.2. Պատվիրելու ծառայությունը հասանելի է ամեն օր` ժամը 09։00-20։00-ը: Հնարավոր է ծառայության մատուցման հետաձգում՝ կապված անկանխատեսելի դեպքերի, եղանակային անբարենպաստ պայմանների, ճանապարհների անանցանելիության դեպքում և այլ չնախատեսված իրավիճակներում: Այդ դեպքում գնորդը կամ ստացողը անպայման տեղեկացվում է ծառայության մատուցման ժամկետի փոփոխության վերաբերյալ:
3. 3.3. Ծառայության մատուցումից մեկ ժամ առաջ պատվերի չեղարկման դեպքում անհրաժեշտ է վճարել ծառայության գնի 30%-ը։